«افغانستان متحد جبهه‌سی» سابق حکومت نینگ یوقاری مرتبه‌لی پولیس قوماندانی الله‌داد فدایی کابل شهریده طالبان کوچلری تامانیدن اوشلنگنینی تصدیقله‌دی.
اوشبو جبهه دوشنبه کونی بیانات ترقه‌تیب، فدایی نینگ اۉز رهبریتی بیلن یقین مناسبتده بۉلگن باوری کیشیلردن بیری ایکنینی اورغوله‌دی.
بیاناتده قید ایتیلیشیچه، فدایی افغانستان ایچیده حربی حرکتلرنی باشله‌مه‌گن بۉلسه-ده، کیله‌جک فعالیتلر اوچون جبهه بیلن همکارلیککه تیار بۉلگن.
بوندن آلدین بیر قطار منبعلر طالبان حربی‌لری اونی جاری آی نینگ باشلریده کابلده‌گی اویی‌دن اوشلب آلگنینی خبر قیلگن اېدی.
طالبان استخباراتیگه تېگیشلی «صدای هندوکش» رسانه‌سی فدایی نینگ اعترافلری aks اېتگن ویدیونی نشر قیلیب، سمیع سادات بیلن همکارلیک قیلگنینی دعوا قیلدی.
متحد جبهه‌سی ایسه طالبان تامانیدن ترقه‌تیلگن اودیو فایللرنی مصنوعی عقل واسطه‌سیده توزیلگن ساختا موادلر دیب اته‌دی.
الله‌داد فدایی اۉتمیش حکومت دوریده میدان وردک، لغمان، نیمروز و بغلان ولایتلری نینگ پولیس قوماندانی صفتیده وظیفه بجرگن اېدی.
منبع: افغانستان متحد جبهه‌سی و صدای هندوکش
🌐
