امریکا نمانیده‌لر مجلسی نینگ ایکّی دموکرات اعضاسی جمهوریتچیلر رهبرلیگینی چیتلب اۉتیب، افغانلر اوچون موقت حمایه دستوری (TPS) نی قطارگه تشلشگه حرکت قیلماقده.
ان‌بی‌سی‌نیوز معلوماتیگه کۉره، کولورادو نماینده‌سی جیسون کرو و کالیفورنیا نماینده‌سی سام لیکاردو دوشنبه کونی بو باره‌ده رسمی تقاضانامه ثبت قیلدیلر. اولر نینگ مقصدی افغان قاچاقینلرینی امریکادن چیقاریب یوباریلیشیدن سقلش دیر.
امریکا قانون‌لریگه کۉره، مذکور لایحه مجالس تیکشیروویگه تشلنیشی اوچون کمیده ۲۱۸ نماینده نینگ امضاسیگه نیاز بار. لایحه معقوللنسه، افغانلر ۲۰۲۹ ییل نینگ اورته‌لریگچه اخراج قیلیش خوفیدن اماندا قاله‌دیلر.
۱۹۹۰ ییلده قورولگن بو پروګرام بحرانلی اولکه‌لر پناهنده‌لریگه ۱۸ آیگچه امریکاده یشه‌ش و ایشلش رخصتی بېرگن اېدی. دونالد ترامپ حکومتی ۲۰۲۵ ییل نینگ می آییده اوشبو امتیازنی بېکار قیلگن اېدی.
امریکا نینگ ایچکی خوفسیزلیک وزیری کریستی نوم اوشه پیتده افغانستان نینگ وضعیتی یاخشیله‌نگنینی ادعا قیلگن اېدی. شونگه قره‌می، اینسان حقوقلری قوریقچیلری ترامپ حکومتی نینگ بو قرارینی تنقید قیلیب چیققنلر.
جیسون کرو اۉز بیاناتیده افغان حمایه قیلینیشی کیره‌ک دېب اورغوله دی، چونکه اولر امریکالیک عسکرلر حیاتینی قتقریب قالیشگن. حاضرگچه تۉرت جمهوریتچی و ۵۰ دن کۉپراق عسکرلیککه خذمت قیلگنلر نهادلری بو طرحنی حمایه قیلگن.
منبع: ان‌بی‌سی‌نیوز
🌐
