طالبان حکومتی نینگ ایچکی ایشلر سرپرست وزیری سراج‌الدین حقانی، اوشبو گروه مسؤللریدن اۉز فعالیتلریده‌گی کمچیلیکلرنی انیقلب، باشقه‌لر نینگ ایشیگه اره‌لشمسلیکنی سۉره‌دی.
حقانی پکتیکا ولایتیگه قیلگن سفری جریانیده بیرار کیشی نینگ نامینی تیلمه‌ی، ایریم مسؤللر اۉز وظیفه‌لری و مسؤلیتلریگه دقت قیلیش اۉرنیگه کۉپراق باشقه‌لر نینگ ایشیگه باقه‌دیلر، دېب معلوم قیلدی.
او طالبان مسؤللریدن ییریک حکومتی موضوعلر حقیده گپیرمه‌سدن آلدین، اۉز مسؤلیتلرینی قنچه‌لیک درست و اصوللرگه ماس روشده باجەرگنلرینی تیکشیریب کۉریشنی ایسته‌دی.
طالبان حکومتی نینگ اوشبو ییریک رسمی‌سی، اداره مسؤللری بوتون کوچلرینی اۉز ایشلرینی یخشیراق بجریشگه قره‌تیشلری شَرت ایکنینی اورغوله‌دی.
ایچکی ایشلر سرپرست وزیری بوندن آلدین هم بیر قنچه بیاناتلریده مسؤللر نینگ فعالیتی و رهبرلیک اسلوبی حقیده تنقیدی فکرلر بیلدیرگن اېدی.
اونینگ بو سۉزلری، حکومت اداره قیلیش یۉللری یوزه‌سیدن طالبان یوماقلری اۉرته‌سیده‌گی تورلیچه‌لیکلر توغریسیده‌گی خبرلر ترقه‌لگن بیر چاغده ائتیلدی.
منبع: محلی منبعلر
🌐
