کابلده‌گی کۉز متخصصلری کۉریش ساحه‌سیده قاره داغلر و حرکتلنووچی تاله‌لر نادیده آلینیشی شبکیه ییرتیلیشی و دایمی کۉر بۉلیشگه آلیب کېلیشی ممکنلیگیدن آگاهلنتیرماقده. طبیبلر نینگ ایتیشیچه، افغانستانده بو کبی رویدادلر بۉییچه عامه نینگ معلوماتی پس و خسته‌لر ډاکټرگه باریشنی کېچیکتیرماقده‌لر.
کۉز متخصصی احمدولید فرهمند بیلدیردی که کۉزده‌گی هر بیر داغ خطرلی کسللیک بۉلمسه‌ده، بیردن یوزه‌گه کېلگن داغلرنی اعتبارسز قالدیریش ختا دیر. اونینگ اورغولشیچه، اېگر داغلر یاروقلیک یالتره‌شی یا قاره پرده کبی کۉرینیشلر بیلن بیرگه بۉلسه، شبکیه نینگ ییرتیلیشی یا اجره‌لیب کېتیشیدن درک بېرماقده.
طبیبلر نینگ ایتیشیچه، بو قیینچیلیک کۉپینچه کۉز زجاجیه ماده‌سی اۉزگریشی سبب یوز بېرماقده و کوپراغ ۴۰ یاشدن آشقن کیشیلرده کۉرینه‌دی. شونینگدېک، یقیننی قیین کۉریش، ضربه تېگیشی و اوتمیش جراحی عملیاتلری هم بونگه سبب بۉلیشی ممکن.
کۉز جراحی داکتر عبدالواجد نینگ تأکیدلشیچه، عامه خلک سرمه، عسل و عنعنوی تاملار کبی اوی درمانلریدن فایده‌لنمسلیگی کیره‌ک. چونکی بو ماده‌لر زجاجیه‌ده‌گی موادلرنی یۉقاتمه‌یدی، بلکې کۉز نینگ یللیغلنیشیگه سبب بۉلادی.
اونینگ سۉزلریگه کۉره، اویقیسیزلیک یا تلفن ایشلتیش بو داغلر نینگ مستقیم عاملی اېمس. عبدالواجد کۉز داغلری و شبکیه جراحتی فقط کۉز متخصص طبیبلری تامانیدن انیقلنیشینی و اۉز وقتی باریش دایمی کۉزلیک یۉقالیب کېتیشینی آلدینی آلیشینی بیلدیردی.
شیما اسملی ۴۰ یاشلی ایال، تورموش اۉرتوغی تامانیدن کالته‌کلنگنیدن و کۉزیگه ضربه تېککنی سبب قاره داغلر پایدا بۉلگنینی بیان قیلدی. او شفاخانه‌گه مراجعه قیلیب یاخشی بۉلگن و هەممه‌نی بو توغریده واقتیده اقدام قیلیشگه چقیرگن.
حاضرگی وقتده افغانستانده کۉز داغلری و شبکیه زیانلری نینگ انیق سانی بۉلمه‌سه‌ده، متخصصلر خلققه معلوم بېریش و ساغلیقنی سقلش تدبیرلری کۉپیتیریلیشینی ایسته‌ماقده‌لر.
منبع: کابلده‌گی کۉز متخصصلری نینگ بیاناتلری
🌐
