امریکا فدرال هوانوردی اداره‌سی مملکت بویلب اوچاقلر نینگ اوچیشینی تۉخته‌تیش بۉییچه عمومی بویریغ تۉرت ساعت اۉتگچ بېکار قیلینگنینی معلوم قیلدی. اوشبو قرار اوچیشلرگه قیته رخصت بېریشینی بیلدیرسه-ده، برچه پرواز لر نینگ درحال عادی حالگه قیتیشینی اَنگلتمه‌یدی.
امریکا نینگ ترانسپورت وزیری شان دافی جمعه کونگی واقعه‌لردن سۉنگ وضعیت نینگ عادی حالگه قیتیشی وقت آلیشینی بیلدیردی. اونینگ اورغولشیچه، اۉنلب مینگ یۉلاوچی سرگردان قالگن و کۉپچیلیک میدانلرده تونشگه مجبور بۉلیشی ممکن.
ترانسپورت وزیری هوا ترافیکینی کنترول قیلووچی اسکی بیر ارتباطی سیستم معلوماتلر کۉپلیگی طفیلی ایشدن چیقیب، ناتۉغری معلوماتلر یوبارگنینی ایتدی. او امریکا کانگرسینی اوشبو سیستم نینگ ینگیلنیشی اوچون بودجه اجره‌تیشگه چقیردی.
فاکس‌نیوز کانالی «فلایت‌اویر» ترماق سیتیگه تیه‌نیب خبر بېریشیچه، امریکا بۉییچه ۴۴۰۰ دن آرتیق پرواز بېکار قیلینیب، ۱۰ مینگدن کۉپ پرواز کیچیککن. شونیډېک، دنیا مقیاسیده هم ۵۱۰۰ دن آرتیق اوچیش بېکار قیلینیشی و ۲۶ مینگ پرواز نینگ کیچیکیشی قید ایتیلدی.
امریکا جمهور باشلیغی دونالد ترامپ اوشبو اوزیلشلر سایبری هجوم یا-ده سونی عقل طفیلی ایمسلیگینی، بلکیم کۉهنه تجهیزات سبب بۉلگنینی معلوم قیلدی. ایچکی خوفسیزلیک وزیری مارک‌وین مولین هم سایبری هجوم تۉغریسیده‌گی ادعالرنی رد اېتدی.
امریکا تاریخیده پرواز لر نینگ بو یۉسینده عمومی تۉخته‌تیلیشی اونچه کۉپ کۉزگه تشلنمه‌گن بۉلیب، بوندن آلدین ۲۰۰۱ ییل ۱۱ سپتامبرده و ۲۰۲۳ ییل ۱۱ جنوریده یوز بېرگن اېدی.
منبع: فاکس‌نیوز
🌐
