هندوستان کانگرس حزبی نینگ یېتکچیسی سونیا گاندی ینگی خاطره کتابیده گاندی و باچان عایله‌لری اۉرته‌سیده‌گی قدیملیک باغلنیشلرنی بیان قیلدی. او امیتاب باچان نینگ عایله‌وی اویینی اۉزی نینگ آتا یورتی دیب اتگن.
هند رسانه‌لری معلوماتیگه کۉره و سونیا گاندی نینگ «تعلق – سېوگی سفری» ناملی ینگی خاطره‌لریگه اساساً، او اونلب ییللر دوامیده ایککی نامدار عایله اۉرته‌سیده‌گی یقین موناسبتلر تفصیلاتینی یازگن. بو کتاب هند سیاستی و کینواسی اۉرته‌سیده‌گی تاریخی اۉتمیشنی کۉرسه‌ته‌دی.
سونیا گاندی خاطره‌لریده قید قیلیشیچه، ۱۹۶۸ ییل نینگ جنوری آییده راجیو گاندی بیلن تورموش قوریش اوچون هندوستانگه کېلگن چاغیده، باچان عایله‌سی دهلیده اونگه مېزبانلیک قیلگن. او راجیو، اونینگ اینیسی سنجی و امیتاب باچان بیرگه دهلی قوناالغه‌سیگه اونینگ کوتیب آلیش اوچون بارگنلرینی یازگن.
او دورده امیتاب باچان هلی کینوا یولدوزی بۉلمه‌گن اېدی. امیتاب باچان هم اۉزینینگ «کون بنیگا کرورپتی» تیلیویزیونی دستوری جریانیده، آتاسی هریوانش رای باچان و جواهر لعل نهرو نینگ الله‌آبادده یقین دۉست بۉلگنلرینی ایتگن اېدی.
سونیا گاندی نینگ ایتیشیچه، امیتاب نینگ آنه‌سی تیجی باچان اونینگ اوچون انه صفت بیر شخص اېدی. تیجی اونی قیزغین کوتیب آلگن و ینگی یورتگه کۉنیکیب کیتیشیده یاردملشگن.
او شونینگدیک مشهور شاعیر هریوانش رای باچان حقیده ایسلب، هندی تیلینی اۉرگه‌نیشده اوندن یاردم آلگنینی یازگن. سونیا، ایرته‌لب اونینگ دوعا قیلیش اونی و قوڭغیراقلری صداسی بیلن اویغانیشینی قید اېتگن.
سونیا گاندی قۉشیمچه قیلیشیچه، او زمانده راجیو بیلن کۉپینچه وقتینی باچان عایله‌سی نینگ اوییده یا-ده اوشبو پیتده باش وزیر بۉلگن اندیرا گاندی نینگ منزلیگه اۉتکزردی.
منبع: Zarin TV Sources
🌐
