امریکانینگ بویوک چیپ ایشلب چیقرووچی اینتل شرکتی نینگ حصه دارلری اوشبو شرکتنی محکمهگه بېردیلر. رویترز معلوماتیگه کۉره، شکایت قیلگن حصه دارلر اینتلنی شخصی کمپیوترلر بازاری ساووشینینگ تاثیرلرینی یاشیرگنلیکده عیبلهماقدهلر.
اوشبو شکایت کیلیفورنیا ایالتی نینگ سان خوزه شهریدهگی فدرال محکمهده ثبت اېتیلدی. بو قانونی حرکتگه میشیگان ایالتینینگ تقاعد صندوقی باشچیلیک قیلماقده.
حصه دارلر اینتل شرکتی نی ساتوو کمهیشی و انبارلرده تاوارلر کۉپهیگنی سببلی درامدلر کمهیشی حقیده وقتیده معلومات ترقهتمهگنلیکده عیبلهدیلر. بو وضعیت عاقبتیده اینتل اکسیهلری نینگ بهاسی بیر کوندن قریب ۲۹ فایزگه توشیب کېتگن.
شکایت نامهده ایتیلیشیچه، حصه دارلر اوشبو پنهانکارلیک سببلی کتّه مالیه ضیان کۉرگنلر و شرکت بو معلوماتلرنی بازاردن یاشیرمسلیگی کېرهک اېدی.
اینتل دنیادستری اېنگ بویوک پروسیسر ایشلب چیقرووچیلریدن بیری بۉلیب، خلق ارا رقمی تجهیزاتلر بازاریگه تورلی تمانلمه تاثیر کۉرسهتهدی.
حاضرگه قدر اینتل شرکتینینگ رسمیلری محکمهده ثبت اېتیلگن بو عریضهگه قرشی بیرار بیانات بیرمهگنلر.
منبع: رویترز
🌐