هندستان نینگ چتیسگر ایالتیدهگی اودانتی-سیتانادی یلبیرسلر محافظت منطقهسیده، یابانی حیوانلرنی قیدیروو و ناقانونی آوچیلیکنی آلدینی آلیش اوچون سونی عقلگه اساسلنگن ینگی نظارت تیزیمی سیناو قیلینماقده. اوشبو سیستم حیوانی یا-ده شبههلی انسان حرکتی انیقلنگنده جنگلبانلرگه واټساپ آرقه لی تزکور آگاهلنتیریش خبرلرینی یوبارادی.
محلی رسمیلر معلوماتیگه کۉره، نظارت کمره لری ۷۰ دن ۸۰ فت بلنلیکدهگی منارلر اوستیگه اۉرنهتیلگن. بو کمره لر پیل، یلبیرس و باشقه یابانی جانوارلرنی اېزیگلش بیلن بیرگه، ناقانونی آوچیلر و یاغاچ قاچاقچی لرینی انیقلش مقصدیده ایشلهتیلماقده.
اودانتی-سیتانادی محافظت ساحهسی باشلیغی وارون جین نینگ ایتیشیچه، اوشبو سیناو لایحه اودیشا چېگرهسی بۉیلب بېش جنگل حدودیده عملگه آشیریلماقده. اونگه کۉره، بو ساحهلر یابانی حیات نینگ اساسی اۉتیش یۉللریدن حسابلنیب، شو بیلن بیرگه ناقانونی قاچاقچیلیک خطریگه هم دوچ کیلمکده.
وارون جین قۉشیمچه قیلیشیچه، چېککه ساحهلرده عادی تلفن شبکهسی بۉلمهگنی سببلی، ۱۵ دن ۲۰ کیلومتر اوزاقلیکدهگی جنگلبانلر پوستهلریگه تینچ و تیز اینترنت ییتکیزیش اوچون نوقطهمه-نوقطه سیمسیز تور قوریلماقده.
اوشبو محافظت تدبیرلری، هند خوفسیزلیک کوچلری نینگ اوشبو حدوددهگی ماویست قوراللیلرگه قرشی عملیاتلریدن سۉنگ، ساحهگه کیریش امکانیاتی یرهتیلگن بیر پیتده کۉچهیتیردی.
منبع: هندوستان تایمز
🌐