بیرلشگن ملتلر تشکیلاتی نینگ باله‌لر جفه‌سی (یونیسف) بوتون دنیا باله‌لر کونی مناسبتی بیلن بیانات بېریب، هر بیر باله صرف تیریک قالیشدن کۉره کۉپراق نرسه گه سزاوار اېکنینی معلوم قیلدی. اداره افغان باله‌لری تینچلیک، تعلیم و کتّه آرزولرگه اېریشیش حقیگه اېگه اېکنیگه تأکید اېتدی.

یونیسف معلوماتیگه کۉره، اوشبو تشکیلات افغان باله‌لری نینگ اوروشنی تۉخته‌تیش، قیزلر تعلیمی نینگ دوام اېتیشی، عدالت اورنه‌تیلیشی و اۉز آرزولری حقیده سۉزلشگن تصاویری نینگ ترقاتگن.

ویدیو کېگی باله‌لردن بیری دنیا بۉیلب تینچلیک، خوفسیزلیک و برچه اوچون تېنگ تعلیم زمینه‌سی یره‌تیلیشینی ایسته‌شینی ایتگن. او دنیا بۉیلب دوام اېته‌یاتگن اوروشلر باله‌لر نینگ روحیاتیگه جدی ضربه بېرېاتگنینی بلدردی.

بیر افغان اۉغیل باله اوشبو ویدیو آرقه لی طالبان حکومتی دن قیزلر یوزیگه مکتبلر و بیلیم یورتلری نینگ اېشیکلرینی آچیشنی سۉره‌دی. عین حالده بیر کیچیک قیز باله هم قیزلر تعلیم آلیش امکاناتیگه اېگه بۉلگنلریده خورسند بۉلیشینی بیان قیلدی.

افغان باله‌لری طالبان حکومتی دستیده اساسی حقوقلریدن محروم بۉلیب، کمبغللیک و اقتصادی بحران بیلن قرشیله‌شگن شرایطده بو کون یېتیب کېلماقده دیر. اوشبو نهاد بیاناتلریگه کۉره، حاضرگی وقتده ناتۉغری آوقتله‌نیش توفه‌یلی تۉرت میلیون افغان باله‌سی نینگ حیاتی خوف آستیده قالگن.

شونینگدیک، یونسکو و یونیسف نینگ ۲۰۲۶ ییل ۴ نوامبر کونی نشر اېتیلگن مشترک راپوریگه کۉره، افغانستانده باشلنغیچ تعلیم یاشیده‌گی باله‌لر نینگ ۵۳ فایزی رسمی تعلیم دن محروم دیر. بوندن تشقری ۲۰۲۱ ییلدن بویان ۲.۶ میلیون دن آرتیق قیز ۶-صنف دن یوقاری مکتب باریشدن تۉخته‌تیلگن دیر.

منبع: یونیسف

🌐

Author