۲۰ نوامبر، باله‌لر خلق‌ارا کونی نشانلنه‌یاتگن بیر پیتده، خلق‌ارا تشکیلاتلر نینگ معلوماتیگه کۉره، افغانستانده میلیونلب باله‌لر رسمی تعلیم، ساغلیک خذمتلری و ییتەرلی غذا تپمه‌گنلیک قیینچیلیگی بیلن روپه‌ره بولماقده‌لر. ملل متفقین اداره‌لری و انسانپرورلیک تشکیلاتلری باله‌لر آره‌سیده سوءتغذیه و آغیر مېهنت کۉپه‌یگنیدن خواطر بیلدیردی.

یونسکو و یونیسف نینگ نوامبر ۲۰۲۶ ده نشر قیلینگن قۉشمه گزارشیگه کۉره، افغانستانده باشلنغیچ مکتب یاشیده‌گی باله‌لر نینگ ۵۳ فایزی رسمی تعلیم اېشیک‌لریدن محروم قالگنلر. اوشبو حساباتده قید ایتیلیشیچه، ۲۰۲۱ ییلدن بیری ۲.۶ میلیون قیز باله آلتینچی صنفدن یوقاری تعلیم آلیش هوسیدن محروم قیلینگن.

یونیسف معلوم قیلیشیچه، ۲۰۲۶ ییل نینگ اکتوبر آییده مملکت بۉیلب قریب ۵ مینگ ۳۰۰ غیری‌رسمی تدریس صنفیده ۱۶۲ مینگ اۉقووچی درس آلگن و اولر نینگ ۶۴ فایزینی قیزلر تشکیل بیرگن؛ بیراق بو کبی ایشلر اساسی مکتب‌لر اورنینی باسیب آلمه‌یدی. شونینگدېک، ایرته اویله‌نیش قیینچیلیگی هم سېزیلرلی درجه‌ده آشگن.

ساغلیقنی سقلش ساحه‌سیده، یونیسف تصدیقله‌شیچه، ۵ یاشگه‌چه بولگن ۳.۷ میلیون افغان باله‌سی سوءتغذیه خطری بیلن یوزمه-یوز تورگن. بو کۉرستکیچ افغانستان نینگ ۳۴ ولایتیدن ۲۶ ته‌سیده ۲۰۲۵ ییلگه قره‌گنده یمانراق بۉلیب، اینیقسه ۲ یاشگه‌چه بۉلگن گودکلرگه کتّه ضرر ییتکیزگن.

چېگره‌سیز داکترلر تشکیلاتی هم آچلیک و کمبغللیک باعث باله‌لر سوءتغذیه‌سی ۲۸ فایز آشگنینی بیلدیردی؛ اوشبو اداره فقط هرات، هلمند و قندهار ولایتلری شفاخانه‌لریده ۸ مینگدن آرتیق باله یاتقیزیلگنیدن خبر بېردی. تظیف ایچیم‌لیک سووی و ساغلیک مرکزلری کم‌لیگی قیینچیلیکلرنی کۉپه‌یتیرماقده.

شونینگدېک، باله‌لرنی قوتقریش خلق‌ارا اداره‌سی ۷ ولایتده آواره باله‌لر حقیده حسابات بېریب، اولر نینگ ۵۵ فایزی آزیق-آوول ییتشماسلیگیگه، ۴۱ فایزی کسللیکلرگه و ۳۳ فایزی اۉقیشسیزلیککه دوچ بۉلگنینی معلوم قیلدی؛ ۱۱ فایز باله آغیر ایشلر و ایرته نکاح دوچاریدیر.

منبع: یونیسف و یونسکو

🌐

Author