امریکا نینگ کالیفورنیا ایالتی کینگه‌شی اعضاسی عایشه وهاب، امریکا قوشمه ایالتلری نینگ سابق جمهوررئیسی باراک اوباما بیلن اوچره‌شگنینی معلوم قیلدی.

عایشه وهاب نینگ اجتماعی ترماقلریده نشر قیلینگن و زرین تی وی نشراتیده بیریلگن معلوماتگه کۉره، او اوباما بیلن بیرگه توشگن عکسینی ترقه‌تیب، اوباما نینگ ایلگری سیلاولرده غلبه قازانگن کیچه‌سینی همده عایله‌سی خرسندلیک یاشلری تۉککنینی ایسلب اۉتگن.

مذکور افغان‌تبار سناتور، اۉشه دورده باراک اوباما اوچون کمپاین اۉتکزگنینی، بیراق بیر کون کېلیب اونی اۉزی بیلن بیواسطه صحبتده بۉلیشینی تصوور هم قیلمه‌گنینی بیلدیردی.

وهاب نینگ سۉزلریگه کۉره، اوباما صحبت اثناده شوخی قیلیب، اونینگ حضوری قریلیگی نینگ حسی قیلدیره‌یاتگنینی ایتگن و شونینگدیک رهبرلیک، متانت و اولوسنی آلغه سری سوریش توغریسیده تجریبه‌لرینی اۉرتاقله‌شگن.

شونینگدیک عایشه وهاب حاضرگی قیینچیلیکلر و بو قیینچیلیکلر اۉرته‌سیده هم امریکا آینده‌سیگه امید باغلش باره‌سیده اوباما بیلن فکر المشگنینی ایتدی.

عایشه وهاب کالیفورنیا ایالتی سناسیگه یۉل تاپگن بیرینچی افغان نسلیدن بۉلگن مسلمه قانون‌چی دیر.

منبع: عایشه وهاب اجتماعی ترماغی

🌐

Author