بلخ ولایتی نینگ مرکزی مزارشریف شهری اونینچی ناحیه‌سیده‌گی نصرت‌آباد قصبەسی نینگ یشاووچیلری، طالبان حکومتی اوشبو یشش منطقه‌ده اویلرنی بوزیش جریانینی باشله‌گنینی معلوم قیلدیلر.

افغانستان اینترنشنل معلوماتیگه کۉره، محللی یشاووچیلر قوللریده شرعی قباله، برق و تصفیه کتابچه‌لری کبی رسمی حجتلر بارلیگینی بیلدیرسه‌لر-ده، طالبان اداره‌سی اویلرنی بوشه‌تیش و بوزیش بویریغینی صادر قیلگن.

باشقه تاماندن، طالبان حکومتی رسمیلری اوشبو یشاووچیلرنی یېرنی غصب قیلیشده عیبله‌ماقده. اهالی نینگ تأکیدلشیچه، طالبان مسؤللری بیلن مناسبتی بۉلگن بیر شخص اوشبو ساحه یېرلریگه اېگه‌لیک ادعاسینی قیلگن.

معلوماتلرگه کۉره، نصرت‌آباد قصبەسی ۱۳۸۲-ییلده قوریلگن بۉلیب، ۲۰۰ جریب دن آرتیق یېرنی اۉز ایچیگه آله‌دی. بیراق طالبان نینگ غصب قیلینگن یېرلر محکمه‌سی قاریب ۳۵ جریب یېرنی شخصیه ملکیت سۉنگه تقریبن ۱۰۰ ته‌گه یقین تورر جایلرنی بوزیش حکmini چیقردی.

محللی یشاووچیلر اوشبو حکم اولر نینگ غیابیده صادر بۉلگنینی همده شنبه کونیدن بویان کمه‌سیده ۵ ته اوی اسکواتورلر یاردمیده بوزیب تشلنگنینی ایتدیلر.

باشپنا اېگه‌لریدن بیری تقریبن ۲۰ ییل آلدین اوی ساتیب آلگنینی، حاضر ایسه طالبان اویلر سقلنیب قالیشی اوچون یېرنی مدعی شخصدن قیته ساتیب آلیشلرینی طلب قیله‌یاتگنینی بیلدیردی.

منبع: افغانستان اینترنشنل

🌐

Author