استونیاده اۉتکزیلگن تالین قارانغی کیچه‌لری خلق ارا کینوفستیوالی نینگ ۳۰- دوره‌سیده، محسن ربیعی تامانیدن توشیرلگن و ریحانه پارسا باش رولنی اۉینه‌گن «فقط آنم بیلن گپلشماقچیمن» ناملی مستقل فلم مسابقه بۉلیمیگه قۉشیلدی.

اوشبو فلم تورکیه‌ده یشه‌یدیگن و اۉز وطنیگه قَیته آلمه‌یدیگن بیر کۉچمن ایرانی قیزنینگ حیاتیده‌گی بیر کونلیک واقعه‌لرنی تصویرگه تارتگن.

فلم قهرمانی نتفلیکس پروژه‌سی اوچون مهم اوچره‌شوگه باره‌یاتگن چاغده، اجتماعی ترماقلر آرقه لی تهرانده آنه‌سی یشه‌یدیگن اوی یاقه‌سیده هجوم بۉلگنیدن خبر تاپه‌دی.

ایرانده اینترنت نینگ اوزیلگنی سببلی، آنه‌سی بیلن تیلیفون آرقه لی باغلنیش گه قیلگن برچه حرکتلری نتیجه‌سیز قاله‌دی و اونینگ قیغولی آنلری موتر ایچیده دوام اېته‌دی.

مذکور اثر جودا کم خرجت و چیگلانگن امکاناتلر بیلن ییره‌تیلگن بۉلیب، آلتی ییل کینودن اوزاقلشگن ریحانه پارسانینگ واقعی حیاتی بیلن بو داستان اورته‌سیده هم بیر باغلیق‌لیک بار.

تنقیدچیلرنینگ ایتیشیچه، بو تصویر کۉپرک یقین کدرلر و بیر کیشیلیک ایجراگه تیه‌نگن بۉلیب، چیت ایلده‌گی سینماچیلر نینگ کۉچمنلیک و اوروش بورانی تویغولرینی اېتکزیب بېریشگه قره‌تیلگن.

منبع: بی بی سی

🌐

Author