کابلگه سفر قیلگن امریکالیک یوتیوبر اسنیکو بیلن طالبان حکومتی اعضاسی نینگ سۉزلهشوویده افغان قیزینی تورموشگه بېریش تکلیفی، کینگ تورده اېعتراضلرگه سبب بۉلدی.
اسنیکو ترقتگن ویدیو تصویرلریگه کۉره، مذکور طالبان جنگریسی کۉپلب افغان قیزلری او بیلن تورموش قوریشنی شرف بېلهدیلر دېب دعوا قیلگن همده امریکالیک بو یېگیتگه کېلین تاپیب بېریشینی بیلدیرگن.
افغانستان پارلمانی نینگ سابق اعضاسی فوزیه کوفی اوشبو سۉزلرگه قرشی چقیب، افغانلر بېش اۉن ییللیک اروشده اۉز عیاللری نینگ عزتینی سقلشگه اورینگنلرینی و طالبان دوریده بو قیمتنینگ یۉق قیلینیشی بیر تراژدی اېکنینی معلوم قیلدی.
مدنی فعاللردن نیلوفر ایوبی و خلقارا عفو تشکیلاتی نینگ نمایندهسی سمیرا حمیدی هم طالبان نینگ بو قیلمیشینی عیاللر اۉز ملکی کبی قرلگنی و اولرنی تحقیرلش دېب بهالهدیلر.
امریکالیک یوتیوبر بو کونلرده کابلده بۉلیب، انس حقانی باشلیق طالبان بلند مرتبهلی رسمیلری بیلن اوچرهشگن. منتقیدلر ایسه طالبان اۉزینی تینچ کۉرسهتیش اوچون بو توری یوتیوبرلردن فایدهلنهیاتگنینی تأکیدلهدیلر.
منبع: اجتماعی ترماقلر و مدنی فعاللر
🌐