د بالیووډ مشهورې کوریوګرافرې فرح خان له ویر داس سره په لیدنه کې وویل چې عامر خان په «ډیلي بیلي» فلم کې د «جا چړیل» سندره لنډه کړې وه.
فرح په ټوکه وویل چې عامر خان د حسادت له امله او دا چې خپله سندره یې ورپسې وه، دا کار وکړ، که څه هم ویر ته ویل شوي وو چې ستونزه د فلم په وخت کې ده .
ویر داس چې اوس د «هپي پټیل» په نوم د خپل لومړي فلم لارښوونه کوي، له عامر خان سره د کار کولو په اړه په زړه پورې کیسې وکړې.
هغه وویل چې په هغه سندره کې مجبور شوی و د عامر خان څرمن پتلون واغوندي او د دې لپاره چې ورته جوړ شي، باید لاندې یې نورې جامې هم اغوستې وای .
د ویر داس نوی فلم «هپي پټیل» چې د عامر خان پروډکشن لخوا جوړېږي، ټاکل شوې د جنورۍ په ۱۶مه نندارې ته وړاندې شي. ویر داس دا فلم د «انداز اپنا اپنا» په څېر کلاسیکو کامیډي فلمونو سره پرتله کړی، که څه هم فرح خان ورته یادونه وکړه چې هغه فلم په خپل وخت کې ناکام شوی و .
