د پاکستان پوځ اعلان کړی چې د خیبر پښتونخوا ایالت په خیبر سیمه کې یې د عملیاتو پر مهال د پاکستاني طالبانو تحریک دوه ویشت غړي وژلي دي. له بده مرغه د دغو وسله والو د ډزو په پایله کې یو لس کلن ماشوم هم خپل ژوند له لاسه ورکړی دی.
د پوځ د اعلامیې له مخې، امنیتي ځواکونو د عملیاتو په ترڅ کې له یادې ډلې څخه ګڼ شمېر وسلې او مهمات هم ترلاسه کړي دي. د پاکستان پوځ په خپله اعلامیه کې دا وسله وال د بهرنیو هېوادونو له خوا ملاتړ کېدونکي بللي دي.
په سیمه کې د عزم و استحکام په نوم د ترهګرۍ ضد پراخ عملیات لا هم روان دي. خیبر پښتونخوا او بلوچستان ایالتونه تل د خونړیو بریدونو شاهدان دي او تېر کال په دې سیمو کې سلګونه کسانو ته مرګ ژوبله اوښتې وه.
🌐 #پاکستان #خیبرپښتونخوا #امنیت #پوځ
