پاکستاني چارواکو اعلان کړی چې په خیبر پښتونخوا ایالت کې د یوې چاودنې له امله لږ تر لږه درې کسان وژل شوي دي. په دې پېښه کې د احمدزي وزیر قبیلې مشر ملک طارق وزیر هم وژل شوی او څلور نور ټپیان دي.
د سیمې پولیس وايي چې دا چاودنه د سویلي وزیرستان د واڼه په ګڼه ګوڼه لرونکي رستم بازار کې شوې ده. ظاهراً ناپېژاندو وسله والو له یوه سوداګریز مرکز سره چاودېدونکي توکي ځای پر ځای کړي وو چې د قبیلې د مشر د موټر د تېرېدو پر مهال وچاودېدل.
دې پېښې د ځايي اوسېدونکو ترمنځ ویره او ډار رامنځته کړی او هټیوال یې اړ کړي چې خپل کاروبارونه وتړي. ملک طارق وزیر تر دې وړاندې د قبیلوي شخړو په هواري او د سولې په ساتلو کې مهم رول درلود.
#پاکستان #خیبرپښتونخوا #چاودنه
🌐
