د ملګرو ملتونو د ښځو څانګې خبرداری ورکړی چې د افغانستان په ختیځو سیمو کې شاوخوا پنځوس زره ښځې او نجونې د جنسیتي تاوتریخوالي له مخ په زیاتیدونکي ګواښ سره مخ دي. دغو ښځو روغتیایي او نورو اړینو خدمتونو ته ډیر محدود لاسرسی لري.
په راپور کې ټینګار شوی چې امیندواره ښځې له نورو ډیرو ننګونو لکه لوږې او نا امنۍ سره مبارزه کوي. د طالبانو حکومت او پاکستان تر منځ وروستیو سرحدي نښتو ډیری کورنۍ یو ځل بیا بې ځایه کیدو ته اړې کړې دي.
د بیلګې په توګه یوه دیرش کلنه افغان ښځه نجیبه وروسته له هغې چې په یوه کلینیک کې یې ماشوم نړۍ ته راوړ، له خپلې کورنۍ سره د ننګرهار ولایت یوه کمپ ته کډه شوه. وروستیو تاوتریخوالو تر سلو زرو ډیر کسان بې ځایه کړي دي.
🌐
#افغانستان #افغان\_ښځې #بشري\_حقونه
