افغانستانده گی بیر سابق امریکالیک عسکر ویل سلبر، ینگی بیر تحلیلده، افغانستان نینگ شمال شرقیده جای لشگن بدخشان ولایتی نینگ طالبان حکومتیگه مخالف قوراللی گروه لرنینگ فعالیت مرکزیگه ایلنگنینی ایتگن.
بو تحلیل، خوفسیزلیک و حربی مسئله لر بۉییچه مخصوص بیر امریکالیک رسانه بۉلگن «وار آن د راکس» (War on the Rocks) نشریه سیده نشر ایتیلگن. سلبر اۉز مقاله سیده «طالبان گه قرشی مقاومت قالماقده؛ غالب بۉله آله دی می؟» عنوانی آستیده، بیر نچه مخالف گروه نینگ بو ولایتده اۉز عملیات لری دایره سینی کینگه‌یتیرگنینی یازگن.
یازووچی نینگ سۉزلریگه کۉره، احمد مسعود رهبرلیگیده گی ملی مقاومت جبهه سی و یاسین ضیا رهبرلیگیده گی افغانستان آزادلیک جبهه سی کبی گروه لر، فقطگینه اوتگن ایکّی ییل جریانیده اۉز فعالیت لرینی دوام اېتدیریب قالمسدن، بلکه هجوم لری نینگ جغرافیایی ساحه سی نی هم کینگه‌یتیرگنلر. او، نمونه صفتیده، مقاومت جبهه سی تامانیدن فیض آباد شهرداری نینگ اۉلدیریلیشی مسئولیتی نینگ بۉینیگه آلینیشی و زیباک ولسوالی سیده آزادلیک جبهه سی نینگ دواملی عملیات لرینی ذکر قیلگن.
شونینگدېک، گزارشده جولای آییده «سپاهیان میهن» گروهی تامانیدن یفتل پایین ولسوالی سی مرکزی نینگ بیر نیچه ساعتگه اېگلله نیشیگه اشاره قیلینیب و بو حادثه طالبان نینگ قدرت گه قیتیب کیلگنیدن بویان نادر بیر واقعه دېب اتلگن.
سلبر، بدخشان نینگ تاغلیک جغرافیه سی، اوزاق دره لری و چېک لنگن مواصلاتی یۉل لرینی، بو ولایت نینگ چریکی فعالیت لر اوچون مناسب بۉلیشی نینگ اساسی سبب لری دېب بیله دی. او، بدخشان نینگ طالبان نینگ بیرینچی حاکمیتی دوریده هم مقاومت نینگ اساسی مرکز لریدن بیری بۉلگنی نی ایسله ته دی.
بیراق، بو سابق امریکالیک عسکر، مخالف گروه لرنینگ هلیگچه بیر منطقه نی اوزون مدت اۉз کنترولی آستیده سقلب قاله آلمه گنینی و حاضرده طالبان حاکمیتیگه جدی بیر تهدید حساب لنمَслигини تأکیدله یدی. اونینگ ایشانچیگه کۉره، بو گروه لرنینگ تأثیرلی بیر کوچگه ایله نیشی اوچون، کۉپراق هماهنگ لیک و مشترک بیر استراتیژی گه احتیاج لری بار.
منبع: War on the Rocks
🌐
