ننگرهار ولایتی نینگ پچیراگام ولسوالیسیده طالبان کوچلری پاکستاندن قاچاق یولی بیلن کېلتیریلگن بیر مقدار دارونی قولگه آلیب، سونگره اوتگه تشله‌دی. محلی منبع‌لر زاویه نیوزگه، قاچاقچیلر بو دارولرنی افغانستان ایچکریسیگه قانونسیز روشده کېلتیرماقچی بولگنلرینی ایتگنلر.
بو گزارشگه اساساً، بو عملیات محلی طالبان جنگچیلری تامانیدن بیر تیکشیروو جریانیده عملگه آشیریلگن. بو حرکت، طالبان حکومتی نینگ قاچاقچیلیککه قرشی کوره شی و مملکتگه کیفیتی پس و قانونسیز ماللرنینگ کیریشینی آلدینی آلیش سعی و حرکتلری دایره‌سیده عملگه آشیریلگن.
دارولردن تشقری، افغانستاندن پاکستانگه قاچاق بولماقچی بولگن ۲۰ بوجی (خالته) انسان ساچی هم قولگه آلینیب، دارولر بیلن بیرگه یاقیب یوباریلگنلیگی ایتیله‌دی. افغانستاندن قوشنی مملکتلرگه انسان ساچی نینگ قاچاقی، بیر قانونسیز لیکن کینگ ترقلگن تجارت دیر.
ننگرهار ولایتی، پاکستان بیلن اوزون چیگره‌سی بولگنلیگی سببلی، ایکی مملکت آره‌سیده مال قاچاقی اوچون اساسی یوللردن بیری حسابلنه‌دی. طالبان حکومتی کۉپ مرته چیگره‌لرنی کنترول قیلیش و هر تورلی قاچاقچیلیککه قرشی کوره ش اوچون سعی و حرکت قیلیشینی اعلان قیلگن.
حلی ننگرهارده‌گی رسمی طالبان مقام‌لری بو دارولرنینگ قیمتی و بو عملیات نینگ باشقه جزئیاتلری حقیده فکر بیلدیرمه‌گنلر.
قاچاق و کیفیتی پس دارولرگه قرشی کوره ش، افغانستان نینگ ساغلیقنی سقلش سیستمی اوچون جدی بیر چالش بولیب کیلگن، چونکه بو دارولر کۉپینچه اهالی نینگ ساغلیغیگه تهدید ساله‌دی.
منبع: زاویه نیوز
🌐
