ناروی ده جایلشگن میشل‌سن تدقیقاتی مرکزی، افغانستانده ایش زمینه‌لری نینگ چېکله‌نگنی، ایقتیصادی ناقرارلیک و اجتماعی مانعلر یاشلر نینگ کېله‌جگیگه جدّی خطرلر توغدیرگنینی بیلدیردی.
اوشبو مستقل تدقیقاتی نهاد جمعه کونی ناروی پایتختی اسلوده بۉلیب اۉتگن «افغانستان هفته‌لیگی» ییغینی حقیده بېرگن هیساباتیده، یاشلر اوچون ایش زمینه‌لری یره‌تیش افغانستان نینگ کېله‌جگی اوچون اساسی اهمیتگه اېگه‌لیگینی اۉرغوله‌دی.
میشل‌سن مرکزی نینگ معلوماتیگه کۉره، مذکور ییغین افغانستان اوچون ناروی کمیته‌سی و باشقه خلق‌ارا تشکیلاتلر همکارلیگیده یاشلر نینگ ایقتیصادی قیینچیلیکلری و دواملی رواجلنیشینی تېکشیرېش مقصدیده اۉتکزیلدی.
هیساباتده افغانستان نینگ اهالیسی دنیا بۉییچه اینگ یاش نفوسلردن بیری اېکنی قید اېتیلیب، یاشلرنی ایقتیصادی فعالیّتلرگه قۉشیش دواملی تینچلیک و ثباتنی تأمینله‌شینی ایتگن.
ییغینده قتنه‌شگن افغان یاش ایش‌بیلرمادلری اۉز فعالیتلریده مالیه منبعلریگه قوله‌ی یۉل تاپا آلمسلیک و تیجاری بازارلر نینگ چکلنگنی کبی اساسی قیینچیلیکلردن سۉز آچگنلر.
شونینگدېک، قوشنی اۉلکه‌لردن قَیتگن کډواللر نینگ تجربه‌لریدن فایده‌لنیش و بشری یارده‌ملرنی خصوصی سکتور همده تشبثات بیلن بیرگه آلیب بارېش ضرورلیگی کۉرسه‌تیلدی.
منبع: ناروی نینگ میشل‌سن تدقیقاتی مرکزی
🌐
