عراق تشقی ایشلر وزیری فواد حسین الجزیره ترماغیگه بېرگن مصاحبه‌سیده، امریکا قۉشمه ایالتلری مالیه وزیرلیگی بغدادتن ایکّی سرحدی یېلدن تشقری ایران بیلن بۉلگن برچه سرحد یۉللرینی یاپیشنی سۉره‌گنینی بیلدیردی.
عراق تشقی ایشلر وزیری نینگ ایتیشیچه، واشنگتن نینگ اوشبو ایسته‌گی تهرانگه قره‌تیلگن ایقتصادی باسیملرنی آشیریش سیاستی نینگ بیر قسمی دیر، بیراق برچه یۉللرنی یاپیش عراق ایقتصادیگه سلبی تاثیر قیله‌دی و بونی عملگه آشیریش جوده قیین دیر.
فواد حسین نینگ بیلدیریشیچه، آچیق قالیشی کېره‌ک بۉلگن ایکّی یېلدن بیری کردستان منطقه‌سیده جایلشگن و حاضرگی وقتده ایکّی مملکت رسمی‌لری اۉرته‌سیده اوشبو موضوع بۉییچه سوزله‌شولر دوام ایتماقده.
عراق اۉتگن آی هم خوفسیزلیک تیکشیرولری، قاچاق نینگ آلدینی آلیش و پرمختللی تنیش وسایللرینی اۉرنه‌تیش مقصدی بیلن ایران بیلن «شیب» مهم سرحدی یۉلینی یاپگن اېدی.
عراق رسمی‌لری بوندن آلدین هم تهران بیلن کینگلیک سوداگرلیک علاقه‌لری باعث، سودا آلیش-بېریشلرینی توخته‌تیش عراق ایچکی بازاری اوچون قیینچیلیک توغدیریشینی تاکیدله‌گن اېدیلر.
منبع: الجزیره
🌐
