کریملمن سرایی نینگ معلوم قیلیشیچه، روسیه جمهور رییسی ولادیمیر پوتین پنجشنبه کونی مسکو شهریده امریکا جمهور رییسی دونالد ترامپ نینگ خاص نماینده‌لری استیو ویتکاف و جرد کوشنر بیلن اوچره‌شه‌دی.
تاس خبری آژانسی پنجشنبه کونی ۱۲ نوامبر ایرته‌لپ کرملین سوزلاوچیسی دیمیتری پسکوف سۆزلریگه تیه‌نیب، اوشبو اوچره‌شوو بوگون کوندوز نینگ بیرینچی یریمیگه رېجه‌لشتیریلگنینی معلوم قیلدی.
بو اوچره‌شوو، اوتگن کونی بیرلشگن عرب امارلیکلری پایتختی ابوظبیده روسیه، امریکا و اوکراین اۉرته‌سیده اوچ تامانله مۆزاکره‌لردن کیین بۉلیب اۉتماقده.
ویتکاف و کوشنر ایککیله‌سی هم اماراتده بۉلیب اۉتگن اوشبو اوچ تامانله صُحبته قتنه‌شگن ایدیلر. کوشنر امریکا مذاکره‌چی گروهی مسکودن کیین کیف شهریگه باریشنی مقصد قیلگنینی ایتگن.
روسیه نینگ تشقی ایشلر وزیری سرگی لاوروف نینگ بیلدریشیچه، ولادیمیر پوتین روسیه هیاتی نینگ حصاباتی و امریکا ایلچی‌لری نینگ نظریاتینی ایشیتگندن سونگ، اوشبو مناقشه‌نی حل قیلیش بۉییچه قرار قبول قیله‌دی.
شو بیلن بیرگه، لاوروف روسیه نینگ یانده‌شوو همده سیاستی اۉزگریشسیز قالیب، مقصدلری اۉشه «خاص حربی عملیات» بولیشینی تأکیدله‌دی.
منبع: تاس خبری آژانسی
🌐
