ایتالیا بویلب چهارشنبه کونی پارتلش توغریسیده گی آگاهلندیرولر سبب مینگلرچه مکتب بوشه‌تیلدی. رویترز آژانسی نینگ معلوماتیگه کۉره، اوشبو مملکتده قریب ۶ مینگ ۳۰۰ مکتب تهدید ختلرینی آلگن و خوفسیزلیک تدبیرلری کۉریلگن.
بو واقعه اروپاده یوز بېرگن سایبری هجوملر و تهدیدلر سلسله‌سی نینگ اینگ سۉنگگی حالتی سنله‌دی. بوندن آلدین بویوک دوکانلر، قان بانکلری، هوایی قاتناو کنترول تیزملری و نشراتی رسانه‌لر هم شونده‌ی هجوملرگه روپه‌ره بۉلگن اېدی.
سکاتلند، شمالی ایرلند و ایرلند جمهوریتی رسمیلری هم اوشبو حدودلرده گی کۉپلب مکتبلرگه چیت اېلدن شونگه اۉخشش ایمیللر یوباریلگنینی تصدیقله‌دی. بیراق تیکشیروولر بو تهدیدلر نینگ یالغاندن عبارت اېکنینی کۉرسه‌تدی.
بریتانیا و ایرلند مسؤللری نینگ ایتیشیچه، بو تهدیدلر یالغان اېکنی اوچون اۉقوو جریانی توخته‌تیلمه‌گن و مکتبلر اۉز فعالیتیگه دوام بېردی.
حاضرده اروپا خوفسیزلیک اداره‌لری اوشبو هجوملر و اخلاللر نینگ کیلیب چیقیش منبعینی انیقلش اوستیده ایش آلیب بارماقده.
منبع: رویترز
🌐
