خیبرپختونخوا ولایتی پولیس اداره‌سی بیر بیانیه‌ده معلوم قیلیشیچه، خوفسیزلیک کوچلری و پاکستان طالبان حرکتی (تی‌تی‌پی) اۉرته‌سیده یوز بېرگن تۉقنه‌شوو نتیجه‌سیده ۱۰ پولیس خادمی و ۱۸ قوراللی هلاک بۉلگن. اوشبو حادثه‌ده ینه ۱۲ پولیس خادمی یره‌لنگن.
خیبرپختونخوا پولیسی نینگ معلوماتیگه کۉره، بو تۉقنه‌شوو کوهات شهری یقینیده ناقانونی روشده آلتین قازیب آلووچیلرگه قرشی اۉتکزیلگن عملیاتدن قه‌یتیش چاغیده صادر بۉلگن. امنیتی کوچلر عملیات منطقه‌سیدن قه‌یتیاتگنده هجومگه اوچره‌گن.
رسمی بیانیه‌گه کۉره، بو هجوم پولیس تمانیدن جنایتچی عناصر دیب اته‌لگن کیشیلر تحریکی بیلن عملگه آشیریلگن. پولیس بو رویداد جنایتکار مافیا و تی‌تی‌پی اۉرته‌سیده اویوشتیریلگن مناسبت بارلیگینی کۉرسه‌تگنینی بیلدیردی.
خیبرپختونخوا پولیسی اوشبو قوراللیلر و مافیا کوچلریگه یاردم بېرووچیلرگه قرشی هیچ قندای مصلحتسیزلیک کۉرسه‌تیلمسلیگی و ناقانونی فعالیتلرگه یۉل قۉییلسمسلیگینی تاکیدله‌دی.
خیبرپختونخوا پاکستان نینگ اینگ ناتینچ ولایتلریدن بیری سنله‌دی و اسلام‌آباد حکومتی قوراللیلر افغانستان توپراغیدن فایده‌لنیب بوندای هجملرنی اویوشتیره‌دی دیب ادعا قیله‌دی.
طالبان حکومتی و پاکستان مناسبتلری اۉتگن ییل نینگ میزان آییده‌گی چگره تۉقنه‌شولریدن بېری کسکینلشگن. طالبان حکومتی پاکستانده‌گی ناامنلیکلرنی قوللب-قوتله‌شنی رد اېتیب، اسلام‌آبادنی اۉز مخالفلریگه پناه بېریشده عیبله‌یدی.
منبع: خیبرپختونخوا پولیسی
🌐
