یستمه‌لریگه کۉره، بیر قطار امریکالیک کهنه‌سربازلر، ملکی همکارلر و ۲۰ ییل دوامیده امریکا کوچلری همده دیپلوماتلری بیلن ایشله‌گن افغانلر، کانگرسدن افغان متفق‌لرینی اخراج قیلیشدن حمایه قیلیشنی سۉره‌دیلر.
افغان ایواک ائیتلافی ۱۱ نوامبر کونی، امریکاده کهنه‌سربازلر کونی مناسبتی بیلن، کانگرس اعضالریگه بو کیشیلرنینگ آچیق خطینی ترقه‌تدی.
مذکور خطده، افغان ترجملری، حربی‌لر، امریکا ایلچیخانه‌سی ایشلاوچیلری همده خاتین-قیزلر حقوقی و تعلیم فعاللری امریکا بیلن بیرگه ایشله‌گنلری و ایندی طالبان حکومتی آستیگه قیتیش خوفی بیلن یوپه‌لشگنلری اۉرغولنگن.
خطنی امضا قیلگنلر امریکا کانگرسیدن افغان متفق‌لر اوچون وقتینچه‌لیک حمایه قانونینی تصدیق قیلیشنی تکلیف قیلگنلر.
شونینگدېک، قطرده قالگن افغانلر حجتلرینی کۉریب چیقیش، عایله‌لرنی بیرلشتیریش و خاص مهاجرت ویزه‌لری (SIV) و باشقه قانونی یۉللرنی قیته باشلش طلب ایتیلگن.
اولر افغان متفق‌لرنینگ خوفسیزلیگینی تأمینلش امریکا کانگرسیده‌گی جمهوری‌چیلر و دموکراتلرنینگ اورتاق بیرینچی درجه‌لی وظیفه‌سی بۉلیشی کیره‌ک‌لیگینی تأکیدله‌دیلر.
منبع: افغان ایواک
🌐
