آریانا افغان هوانوردلیک شرکتی روان قویاش ییلی نینگ ۱- قوس تاریخیدن باشلب، کندهار و دوبی شهری اۉرته‌سیده مستقیم پروازلرنی یۉلگه قۉییشینی معلوم قیلدی.
اوشبو شرکت نینگ ایتیشیچه، مذکور اوچیشلر نینگ یۉلگه قۉییلیشی بیلن کندهار ولایتی یشاوچیلری و سوداگرلری اوچون قاتناو قولیلیکلری یره‌تیله‌دی.
مسؤوللر معلوماتیگه کۉره، بو ینگی هوایی یۉل افغانستان بیلن بیرلشگن عرب امیرلیکلری اۉرته‌سیده سوداگرلیک، سرمایه‌یاتقیزیش و اقتصادی مناسبتلرنی کېنگه‌یتیریش اوچون ینگی زمین یره‌ته‌دی.
آریانا هوانوردلیک شرکتی نینگ قۉشیمچه قیلیشیچه، یۉلاوچیلر اوشبو یۉنه لیش بیلتلرینی شرکت نینگ مرکزی دفتری، رسمی نماینده‌لیکلری، سیاحتی شرکتلر و میدانلردگی شعبه‌لردن قولگه کیریتیشلری ممکن.
بو اقدام افغانستان ولایتلریدن منطقه‌وی اقتصادی مرکز موقعیتلریگه هوایی قاتناونی کوپه‌یتیریش طلباتی کوچه‌یگن بیر وقتده عملگه آشیریلماقده.
شرکت مسؤللری بو کبی مستقیم خلق‌ارا پروازلر مسافرلر نینگ سفری نینگ آسانلشیشیگه و تجارتی آلقه‌لر نینگ رواجلنیشیگه کۉمک قیلیشینی بیلدیرگن.
منبع: آریانا افغان هوانوردلیک شرکتی
🌐
