طالبان حکومتی نینگ صنعت و سوداگرلیک سرپرست وزیری نورالدین عزیزی، کینیا نینگ کانلر وزیری حسنعلی جوه بیلن سوداگرلیک و قوشمه سرمایهگزاری امکانیتلری توغریسیده اوچرهشیب، صحبت قیلدی.
طالبان حکومتی نینگ صنعت و سوداگرلیک وزیرلیگی شنبه کونی، ۳۰ عقربده، اوشبو اوچرهشو نینگ تانزانیا پایتختی دارالسلامده اوتکزیلگن کانچیلیک و سرمایهگزاری ییغینی چوکاتیده بولیب اوتگنینی معلوم قیلدی.
اوشبو وزیرلیککه کوره، تامانلر معدن، ایکینچیلیک و صنعت محصولاتی نینگ قیته ایشلنیشی، صادر ایتیلیشی، سوداگرلیکنی یوکسلتیریش و بازارلرگه محصول ییتکزیش بارهسیده فکری المه شدیلر.
صحبت دوامیده نورالدین عزیزی افغانستان تامانیدن کینیادن چای و قهوه وارد قیلیش ایستهگینی تاکیدلگن.
کینیا نینگ کانلر وزیری حسنعلی جوه هم ایککی تامانلمه اقتصادی همکارلیکلرنی کینگیتیریش تشبثینی معقول تاپدی.
شونینگدیک ایککی تامان همکارلیکلرنی یولگه قوییش مقسدیده قوشمه سوداگرلیک کورگزمهلرینی یولگه قوییش و همکارلیک کیلیشووینی امضالاش بارهسیده توختهلدیلر.
منبع: طالبان حکومتی نینگ صنعت و سوداگرلیک وزیرلیگی
🌐