د طالبانو د عدلیې وزیر عبدالحکیم شرعي په داسې حال کې د ټولو اسلامي مذاهبو پیروانو ته د درناوي ادعا کړې چې راپورونه په بدخشان کې د اسماعیلیانو د مذهب د جبري بدلون او د جعفري فقهې د حذفولو هڅې بیانوي.
هغه دا څرګندونې د خپل وزارت په کلني پیام کې کړي دي.
د طالبانو د عدلیې وزیر په ۲۰۲۵ کال کې په روسیه او سعودي عربستان کې په نړیوالو غونډو کې ګډون وکړ او د مذاهبو ترمنځ یې د یووالي خبرې وکړې
. خو په افغانستان کې دننه، مذهبي اقلیتونه د خپلو مذهبي مراسمو په ترسره کولو کې له مخ په زیاتیدونکو محدودیتونو سره مخ دي او د هغوی د حذفولو هڅې کیږي.
سیمه ییزو سرچینو تایید کړې چې په بدخشان کې لسګونه اسماعیلي کورنۍ تر فشار لاندې راغلي څو خپل مذهب بدل کړي.
د طالبانو په وینا او عمل کې دا دوه مخیتوب د بشري حقونو د بنسټونو او اقلیتونو ترمنځ د مذهبي آزادیو په اړه جدي اندیښنې راپارولي دي.
Cloudflare