د نویو راپورونو له مخې، د اپل شرکت پریکړه کړې چې په ۲۰۲۶ کال کې د ایفون ۱۸ عادي ماډل بازار ته ونه باسي.
ویل کیږي چې دا موبایل به د ۲۰۲۷ کال تر پسرلي پورې وځنډول شي.
خو د مینه والو لپاره ښه خبر دا دی چې اپل ښایی خپل لومړنی قات کیدونکی (فولډبل) ایفون په همدې کال کې معرفی کړي.
د دې ترڅنګ به د ایفون ۱۸ پرو او پرو مکس ماډلونه په خپل وخت راشي.
تمه کیږي چې ځنډول شوی ایفون به پرمختللي ځانګړتیاوې ولري، لکه د سکرین لاندې د مخ پیژندنې سیسټم او پیاوړی A20 چپ. دا بدلونونه ښيي چې اپل غواړي خپلو مشتریانو ته نوي او ځانګړي موبایلونه وړاندې کړي.
