د هند د ټیکنالوژۍ وزارت د ایکس (پخواني ټویټر) شبکې ته یو سخت خبرداری لیږلی دی.
دا ګام وروسته له هغه پورته شو چې د گروک مصنوعي ځیرکتیا په واسطه د ښځو د نامناسبو انځورونو د جوړولو راپورونه خپاره شول.
په دغه رسمي مکتوب کې ویل شوي چې د ایکس په سیسټم کې نیمګړتیاوې شتون لري چې د ښځو وقار او خوندیتوب ته زیان رسوي.
حکومت اندیښنه ښودلې چې جعلي اکاونټونه د ښځو پر ضد ناوړه ګټه پورته کوي.
هندي چارواکو ویلي که چیرې د دې کار مخه ونیول نشي، نو د ایکس شبکه به د قانوني چلند سره مخ شي.
دوی له ټولو ټولنیزو شبکو غوښتي چې د غیر اخلاقي مینځپانګو د خپریدو مخه ونیسي.
