د صلاح الدین رباني په مشرۍ جمعیت اسلامي ګوند په بدخشان او تخار کې د خلکو د لاریونونو ځپل په کلکه وغندل .
دغه ګوند ویلي چې طالبان د کانونو په غیر مسوولانه استخراج سره د هېواد طبیعي شتمنۍ لوټي .
په اعلامیه کې ویل شوي چې د خپلو سرچینو ساتنه د خلکو حق دی، خو طالبانو په زور او تشدد ځواب ورکړی دی.
جمعیت اسلامي وايي چې د طالبانو ظلم اوس تر چاپیریال پورې رسیدلی دی .
په بدخشان کې وروستیو لاریونونو چې د سرو زرو د کانونو د استخراج پر ضد وو، مرګ ژوبله درلوده. خلک شکایت کوي چې د کانونو عواید شخصي جیبونو ته ځي .
