د افغانستان د کرکټ ملي لوبډلې د ۲۰ اوریز نړیوال جام په لړ کې په احمد اباد ښار کې له یوې سختې سیالۍ وروسته لوبه په ۱۸۷ منډو مساوي کړه او پرېکړه «سوپر اوور» ته لاړه. په دې هیجاني لوبه کې سویلي افریقا لومړی توپ وهنه وکړه او ۱۸۸ منډې یې هدف وټاکه، چې افغان لوبډلې په ډېر زیار سره وتوانېده لوبه برابره کړي.
د توپ اچونې په برخه کې عظت الله عمرزي په غوره لوبې سره د ۴۱ منډو په ورکولو ۳ ویکټې واخیستې او د سیالې لوبډلې په مهارولو کې یې مهم رول ولوباوه. د هېواد د کرکټ ستوري راشد خان هم د ۲۸ منډو په بدل کې ۲ ویکټې ترلاسه کړې او د میدان له غوره لوبغاړو څخه و.
دا لوبه چې د نړیوال جام له خورا په زړه پورې لوبو څخه وه، د نړۍ د پیاوړو لوبډلو پر وړاندې د افغان لوبغاړو وړتیا وښوده. نندارچیانو د لوبې تر وروستۍ شیبې پورې له هیجان ډکې شیبې ولیدې چې د کرکټ مینه یې نوره هم زیاته کړه.
Cloudflare