د ښځو د حقونو یو شمیر فعالانو د اروپايي ټولنې چارواکو ته د یوه پرانیستي لیک په استولو سره د طالبانو له حکومت سره تعامل له افغان ښځو سره ستر خیانت بللی دی. دوی د کډوالو د ایستلو د پلان د سمدستي درولو غوښتنه کړې ده.
دا لیک چې د اروپایي پارلمان لوړ پوړو چارواکو ته لیکل شوی ټینګار کوي چې د کډوالو په اړه تخنیکي خبرې په حقیقت کې یو شعوري سیاسي اقدام دی. د دې لیک لیکوالانو په هیواد کې د ښځو اوسنی وضعیت جنسیتي توپیر بللی دی.
فعالانو خبرداری ورکړی چې افغانستان ته د کډوالو د ایستلو په اړه هره خبره ظالم سیستم ته د مشروعیت ورکولو خطر لري. دوی د بشري حقونو پرله پسې سرغړونو ته په پام سره د کډوالو ستنیدل خورا ناامنه ګڼي.
🌐 #افغان\_ښځې #بشري\_حقونه #اروپايي\_ټولنه
