په پکتیا ولایت کې د طالبانو حکومت د پولیسو قوماندانۍ خبر ورکړی چې د اختر په ورځو کې په دې ولایت کې لږ تر لږه شپږ ویشت ترافیکي پیښې رامنځته شوې دي. دې پیښو هیوادوالو ته د پام وړ ځاني او مالي زیانونه اړولي دي.
د خپرو شویو راپورونو له مخې، د دې ټکرونو په پایله کې یوه ماشوم خپل ژوند له لاسه ورکړی او اتلس تنه نور سخت ټپیان شوي دي. د دې پیښو ټپیان د بیړنۍ درملنې لپاره سمدستي سیمه ییزو روغتونونو ته لیږدول شوي دي.
تر دې وړاندې د طالبانو حکومت چارواکو ویلي وو چې د اختر په رخصتیو کې د هیواد په څلورو ولایتونو کې له اتیاوو ډیرې ترافیکي پیښې ثبت شوې دي. د موټر چلوونکو بې احتیاطي او د موټرو ډیر سرعت د دې پیښو اصلي لاملونه بلل شوي دي.
#پکتیا #ترافیکي\_پیښې #افغانستان
🌐
