د اروپایي ټولنې د پارلمان غړې هانا نیومن بروکسل ته د طالبانو د حکومت د پلاوي پر بلنه سخته نیوکه کړې ده. دا بلنه له اروپا څخه د افغان کډوالو د ایستلو په اړه د خبرو لپاره شوې ده. هغې خبرداری ورکړی چې دا کار هغې واکمنۍ ته مشروعیت ورکوي چې ښځې ځپي.
د اروپایي کمیسیون ویاند مخکې تایید کړې وه چې په کابل کې د طالبانو د حکومت چارواکو ته بلنه لیږل شوې ده. خو تر اوسه روښانه نه ده چې دا غونډه به په کومه نیټه جوړیږي او څوک به پکې ګډون کوي. دا پریکړه د بشري حقونو د مدافعینو له کلک غبرګون سره مخ شوې ده.
نیوکې کوونکي وایي چې د طالبانو د حکومت له چارواکو سره پدې ډول خبرې کول د اروپایي ټولنې باور له منځه وړي. د بشري حقونو فعالین ټینګار کوي چې دا ډول کړنې په افغانستان کې د ښځو د حقونو د خوندیتوب لپاره نړیوالې هڅې کمزورې کوي.
🌐 #کډوال #اروپایی\_ټولنه #بشری\_حقونه #افغانستان
