د افغان کډوالو د شړلو په اړه د خبرو لپاره بروکسل ته د طالبانو د حکومت د پلاوي سفر د بشري حقونو د فعالانو له پراخو نیوکو سره مخ شوی دی. د ښځو د حقونو دغو مدافعینو له طالبانو سره د اروپایي ټولنې لیدنه یو لوی شرم بللی دی.
د بشري حقونو د څار سازمان څېړونکو د اروپايي ټولنې دا اقدام ښکاره دوه مخي بللې چې له یوې خوا جنایتونه غندي او له بلې خوا دې ډلې ته اعتبار ورکوي. د افغان ښځینه مشرانو ټولنې هم د جنسیتي تبعیض د عادي کېدو د مخنیوي غوښتنه کړې ده.
په داسې حال کې چې اروپايي چارواکو دا ناسته تخنیکي او یوازې د کډوالو پر موضوع پورې محدوده بللې، د طالبانو حکومت یې د قونسلي خدماتو لپاره یو مثبت ګام بولي. د ملګرو ملتونو ځانګړي راپور ورکوونکي هم دا خبرې اترې د افغانستان خلکو په ځانګړي ډول ښځو ته سپکاوی بللی دی.
#افغانستان #اروپا #طالبان #بشري\_حقونه #کډوالي
🌐
