په هلمند ولایت کې سیمه ایزو سرچینو د نوزاد په ولسوالۍ کې د یوه دیارلس کلن ماشوم د جسد موندلو خبر ورکړی دی. د راپورونو له مخې، دا ماشوم په ډیر مرموز ډول وژل شوی او جسد یې په یوه بوجۍ کې اچول شوی او اوبو ته غورځول شوی و.
د دې ماشوم پر بدن د ټپونو نښې ښيي چې هغه په سر د تیږې د وهلو له امله مړ شوی او پر جسد یې د زندۍ کیدو نښې هم لیدل کیږي. د دې قرباني هویت تر اوسه نه دی څرګند شوی او خلک د دې پیښې له امله سخت اندیښمن دي.
په دې ولایت کې د طالبانو حکومت سیمه ایزو چارواکو تر اوسه د دې غمیزې په اړه هیڅ راز څرګندونې نه دي کړې. د بشپړ امنیت د ادعاوو سره سره، د افغانستان په بیلابیلو سیمو کې هره ورځ د مرموزو وژنو او جنايي جرمونو راپورونه خپریږي.
🌐
#افغانستان #هلمند #امنیت #مرموزې\_وژنې #ماشومان
