د طالبانو د بهرنیو چارو وزیر امیرخان متقي د طالبانو د واکمنۍ د پنځمې کلیزې په مراسمو کې وویل چې د مخالفانو مقاومت به هیڅکله پایله ونه لري. دا مراسم شنبه د اسد ۲۴ مه د طالبانو د لوړپوړو چارواکو او د روسیې، چین او نورو هیوادونو سفیرانو سره جوړ شول.
متقي وویل: «چې څو کسان د نظام پر وړاندې ودریږي، نه تاریخ کې پایله ورکړې او نه به ورکوي.» هغه د ځینو هیوادونو لخوا د طالبانو د مخالفانو ملاتړ «ناکامه تجربه» وباله.
متقي همدارنګه د ځینو طالبانو چارواکو د خلکو سره له بد چلند نه انتقاد وکړ او وویل چې افغانستان د هیڅ هیواد لپاره ګواښ نه دی. د طالبانو د کابل د نیولو پنځه کاله وروسته یوازې روسیه دا حکومت رسمي پیژندلی دی.
#متقي #طالبان #کلیزه #کابل #افغانستان
