د غزې تړانګې پر بېلابېلو سیمو د اسراییلو په نویو بریدونو کې درې تنه فلسطینیان وژل شوي او یو شمېر نور ټپیان شوي دي.

د اناتولي خبري اژانس د پنجشنبې په ورځ، د نوامبر پر ۱۹مه، راپور ورکړ چې په ټپیانو کې دوه ښځې او یو ماشوم هم شامل دي.

د دغه راپور له مخې، یو فلسطیني سړی د غزه ښار په سویل کې د زیتون په سیمه کې د برید له امله خپل ژوند له لاسه ورکړی دی.

همدارنګه د بې‌ځایه شویو کسانو پر یوه پناهځای او د تېلو پر ټانک د بې‌پیلوټه الوتکې په برید کې د یوې ښځې په ګډون څو تنه نور ټپیان شوي دي.

دا بریدونه داسې مهال کېږي چې د ۲۰۲۵ کال د اکتوبر له ۱۰مې د اوربند هوکړه لاسلیک شوې، خو سرچینې وایي چې دغه هوکړه پرله‌پسې تر پښو لاندې کېږي.

په غزه کې د جګړې له امله بشري وضعیت سخت نازک بلل شوی او ملکي وګړي لا هم له ګڼو ستونزو سره مخ دي.

سرچینه: د اناتولي خبري اژانس

🌐

Author