طالبان حکومتی نینگ قندهارده امنیه قوماندانلیگی تصدیق قیلدیکه، بو گروه نینگ ایکی قوراللی عضوسی اسپین بولدک ولسوالیسیده بیر قطار بالالرنی اورگن هم قینگن.
بو قوماندانلیک بوگون، سه‌شنبه ۷ میزانده، بیر اعلامیه چاپ قیلیب ایتگنکه، بو ایکی کیشی توتیب آلینگن هم محکمه گه معرفی قیلینگن.
بیر منبع اطلاعات روز روزنامه سیگه ایتگنیچه، طالبان نینگ بو ایکی عضوسی کیچه کمیده ۱۲ تا بالانی اسپین بولدک-چمن یۉلیده توتیب آلیب، قتی‌ی اورگن هم قینگنلر. منبع نینگ ایتیشیچه، طالبان اعضالری بو بالالرنی بو یۉلده غیرقانونی نقل و انتقال یا قاچاق مال قیلگنلیکده متهم قیلگنلر.
ایجتیمایی شبکه لرده چاپ بولگن بیر ویدیوده کۉرینادیکه، طالبان اعضالری بو بالالرنی خلق آلدیده هم چوب بیلن اورادیلر.
بو ویدیو کینگ عکس العمل لرگه سبب بولدی هم کۉپ اهالی طالبان اعضالری نینگ حرکتی نی «غیرانسانی» دېب اتادیلر.
بو واقعه یانه بیر مرته چیگره یاقین منطقه لرده طالبان نینگ بعضی کوچلری نینگ ملکی اهالی، شمول ده بالالرگه، قیلگن تاوتریخوالیک حرکتلری حقیده تشویش لرنی اۉستیردی.
منبع: اطلاعات روز روزنامه سی
🌐
