حال وش محلی خبر آژانسی ایران نینگ سیستان و بلوچستان ولایتی نینگ مرکزی زاهدان شهریده یوز بېرگن بیر قوراللی هجوم عاقبتیده فاطمیون قۉشینی نینگ کمیده بیش اعضاسی اۉلدیریلگنینی گزارش قیلدی. بو هجوم جمعه کونی ایرته لب، ۱۰ میزان کونی یوز بېرگن.
منطقه خبرلرینی ёриتووچی حال وش نینگ گزارشیگه کۉره، بو واقعه فاطمیون کوچلری نینگ موتری رودماهی ده گی کله پده منطقه سی مسیرده گزمه قیلیب یورگن پیتده یوز بېرگن. اوشبو خبر آژانسی عینی شاهدلر و محلی منبعلرگه تیه نیب یازیشیچه، دستلب موتر یۉلیده بیر «پارتلاوچی تله» پارتله گن.
پارتلشدن سۉنگ، نامعلوم قوراللی کیشیلر موتر سرنشینلریگه قره ته اۉق اوزگنلر. محلی منبعلرنینگ ایتیشیچه، بو مرکب هجومده فاطمیون قۉشینی نینگ حداقل بیش اعضاسی جان بېرگن. الگنلرنینگ کیملیگی هلی هم اعلان قیلینمه گن.
حال وش شونینگدېک، بو موتر نینگ آرقه سیده بیر دوشکا حربی قورالی نصب ایتیلگن لیگینی و پارتلش و اۉق آتیش عاقبتیده موتر بوتونلی یوق قیلینگن لیگینی هم قۉشیمچه قیلگن.
بو سونگگی بیر آی ایچیده زاهدان نینگ رودماهی منطقه سیده فاطمیون اعضالریگه قرشی ایکّینچی اۉلیملی هجوم دیر. حال وش آلدینراق ۲۰ سنبله کونی هم عین شو منطقه ده گزمه قیلیاتگن پیتده کمیده تۉرت فاطمیون عضوی قوراللی کیشیلر نینگ اۉققه توتیلیشی عاقبتیده اۉلدیریلگن لیگینی گزارش قیلگن اېدی.
فاطمیون قۉشینی ایران سپاه پاسداران تامانیدن حمایتلنه دیگن افغان شیعه جنگریلریدن تشکیل تاپگن بیر شبه نظامی گروه دیر. بو گروه اساساً سوریه ایچکی اوروشیده فعال بۉلگن لیکن گزارشلر ایران نینگ اونینگ اعضالریدن مملکت ایچیده گی خوفسیزلیک مقصدلری اوچون، خصوصاً سیستان و بلوچستان کبی چېگره منطقه لرده فایده له نیشینی کۉرسه ته دی.
بو ولایت سونگگی ییللرده ایران خوفسیزلیک کوچلری و مخالف قوراللی گروه لر آره سیده گی کплаб تۉقنشوولرگه شاهد بۉلگن. حاضرگچه هېچ قنده ی گروه بو هجوم مسئولیتینی اۉز بوینیگه آلمه گن.
منبع: حال وش
🌐
