خبرلرگه کۉره فلای دبی شرکتی نینگ تل آویوگه قره‌ب اوچه‌یاتگن اوچاغی نینگ پیلوتیگه هجوم قیلیشده عیبلنگن عمانلیک یاردامچی اوچووچی، اوشبو حادثه‌دن سۉنگ اۉز اجتماعی ترماقلریده القاعده بیلن تیگیشلی مطلب لرنی نشر قیلگن.
سی‌ان‌ان خبر شبکه‌سی ایککی آگاه منبع‌دن نقل قیلیب بو گمانلنه‌یاتگن کیشی نینگ آتی «حمام الحمامی» اېکنینی معلوم قیلدی. اونینگ لینکدین حسابی بۉйиچه، الحمامی آلدین عمان اېر هوا یۉللری شرکتیده یېتتی ییل ایشله‌گن، لېکن افراطی فکرلری تۉغریسیده گی خواطرلر سببلی اوچیش اۉقوو کورسلریدن چیقاریلگن اېدی.
فلای دبی اوچاغیده گی حادثه‌دن تقریباً تۉققیز ساعت اۉتگندن سۉنگ، الحمامی نینگ لینکدین حسابیده ایککی پست نشر قیلیندی. سی‌ان‌ان گزارشیگه کۉره، بو پستلردن بیریده اوچاق کابینه‌سی و اسرائیل نینگ «اِل عال» و «آرقیا» شرکتلری نینگ اوچاقلری تصویری کۉرینگن و اونینگ آخریده القاعده نینگ سابق رهبری ایمن الظواهری و ۲۰۰۹-ییلده گی انتحاری هجوم عامللریدن بۉلگن همام خلیل ابوملال البلوی نینگ تصویرلری کۉرستیلگن.
شونگه اۉخشش ویدیولر اونینگ آتی گه باغلنگن بیر انستاگرام حسابیده هم نشر قیلینیب و کیینچه لیک هر ایککی حساب اۉچیریلگن. بو مطلب لرنی کیم نشر قیلگنی هلیگچه بیللی اېمس. الحمامی نینگ سابق ایکس حسابیدن اۉچیریلگن پستلری اونینگ «چقور مذهبی و عیاللرگه قرشی» قره‌شلری نی کۉرسته‌دی.
عین پیتده، بیرلشگن عرب امیرلیکلری نینگ باش څارنوالی بو حادثه نینگ «تروریستی فعالیت» بۉلگن یا بۉلمه‌گنینی انیقلش اوچون تیکشیروو باشله‌گن. اسرائیل باش وزیری بنیامین نتانیاهو هم، گمانلنه‌یاتگن کیشی «اسلامی افراط گرالیک تلقینی» آستیگه آلینگن بۉلیشی ممکن دېگن.
بو دلیللرگه قره‌مسدن، حمام الحمامی بیلن القاعده کبی بیرار تروریستی گروه آره سیده هلیگچه انیق تشکیلاتی علاقه تصدیقلنمه‌گن و بو حقده تیکشیرولر دوام اېتماقده.
منبع: سی‌ان‌ان
🌐
