بغلان ولایتیده یوز بېرگن ایککی عایری ترافیک حادثه‌سی نتیجه سیده، ایککی کیشی حیاتینی یوقاتیب و باشقه تۉققیز کیشی یره‌لنگن. بو حادثه‌لر پلخمری شهری و دوشی ولسوالی سیده یوز بېرگن.
طالبان کنترولی آستیده گی ملی رادیو و تلویزیون شنبه کونی، ۱۱ میزان ده، اوشبو گروه نینگ بغلانده گی والی دفتریدن نقل قیلیب، بیرینچی حادثه ولایت مرکزی پلخمری شهری نینگ «سنگ سلاخ» منطقه‌سیده یوز بېرگنینی معلوم قیلدی. بو حادثه بیر موتورسایکل نینگ بیر «کرولا» نوعلی موتر بیلن تۉقنشیشی عاقبتیده یوز بیرگن.
اوشبو حادثه‌ده، موتورسایکل هیداوچیسی آغیر یره لنیب و ساغلیک مرکزیگه انتقال بېریلگندن سۉنگ، آغیر جراحتلر سببلی جان بېرگن.
ایکینچی ترافیک حادثه‌سی دوشی ولسوالی سی نینگ «کیله گی» منطقه‌سیده یوز بېرگن. بو حادثه ایککی «کرولا» نوعلی موترنینگ بیر-بیری بیلن اوریلیشی نتیجه سیده یوز بېرگن. طالبان والی سی نینگ دفتری بو تۉقنشوو سببی حقیده کۉپراق معلومات بېرمه‌گن.
بو حادثه ده، بیر عیال جان بېریب و باشقه تۉققیز کیشی، شولردن ایککی اېرکه ک و یېتتی باله، یره‌لنگن. حادثه نینگ یره دارلری تداوی اوچون ساغلیک مرکزلریگه انتقال بېریلگن.
محلی رسمیلر و گزارشلر کۉپینچه هیداوچیلرنینگ احتیاطسیزلیگی، یوقاری تیزلیک و ترافیک قانونلریگه رعایت قیلمسلیکنی افغانستان یۉلریده گی اۉلیملی ترافیک حادثه‌لری نینگ اساسی سببی دېب بیله‌دیلر.
منبع: ملی رادیو و تلویزیون
🌐
