اۉزبېکستان گمرک مقام لری، افغانستاندن اوشبو مملکت گه قاچاق یۉلی بیلن آلیب کیریله‌یاتگن ۵۲ کیلوگرامدن آرتیق مخدره ماده نی کشف قیلیب ضبط قیلگنلرینی اعلان قیلدی. اوشبو محموله بیرینچی اکتوبر کونی سرخان دریا ولایتی نینگ «آیرتام» چېگره اۉتیش نقطه‌سیده کشف ایتیلگن.
اۉزبېکستان گمرک کمیته سی نینگ بیاناتنامه‌سیگه اساساً، بو واقعه محلی وقت بیلن کېچه ساعت ۱۰:۳۰ اطرافی‌ده یوز بېرگن. گمرک مامورلری افغانستاندن اۉزبېکستان توپراغیگه کیرگن بیر یۉک تاشووچی موتر (کامیون) دن شبهه لنگنلر. بۉش کۉرینگن بو موترنی، ترمذ تومنی نینگ ۳۴ یاشر بیر اۉزبېکستانلیک وطنداشی باشقریب بارماقده اېدی.
باشلنغیч تیکشیروو جریانیده، مخدره ماده تاپووچی ایت نینگ عکس العملی مامورلرنینگ شبهه‌سینی کوچه یتیریب، موترنینگ دقیق تیکشیریلیشی اوچون خاص بۉلیم گه یوباریلیشیگه سبب بۉلدی. تولیق تیکشیروو نتیجه‌سیده، مامورلر موترنینگ تورلی قسم لریگه مهارت بیلن یشیریلگن ۹۸ بسته مخدره ماده نی تاپدیلر.
قاچاقچیلر اسکن و رنتگن دستگاه لرینی آلدش اوچون، بو بسته‌لرنی تۉрт قت پلاستیک، فویل (آلومینیوم ورق) و یاپیشقاق نوار بیلن اۉره‌گن اېدیلر تا اولرنی انیقلش قیین بۉلسین.
آزمایشلر اۉتکزیلگندن سۉنگ، بو محموله نینگ ۷۹ بسته حشیش (اجمالی آغیرلیگی ۴۲ کیلو و ۳۳۵ گرام) و ۱۹ بسته تریاک (آغیرلیگی ۱۰ کیلو و ۲۶۰ گرام) نی اۉз ایچیگه آلگنی انیقلندی. کشف ایتیلگن مخدره ماده لرنینگ عمومی آغیرلیگی ۵۲ کیلو و ۵۹۵ گرام دیب اعلان قیلیندی.
اۉزبېکستان مقام لری بو منطقه ده مخدره ماده کشف ایتیلیشی نینگ بیرینچی موردی ایمسلیگینی تأکیدله‌دیلر. اوشبو مملکت نینگ خوفسیزلیک کوچلری اوتگن آیلرده هم افغانستاندن قاچاق قیلینگن بیر نیچه بویوک مخدره ماده محموله سینی کشف قیلیب ضبط قیلگنلر. بو موارد جمله‌سیدن سرخان دریا ولایتیده تقریباً ۶۰۰ کیلوگرام مخدره ماده محموله سی نینگ کشف ایتیلیشینی ایسلش ممکن.
افغانستان هلی هم دنیاده مخدره ماده لرنینگ اینگ کتته ایشلب چیقرووچیلریدن بیری سنه له‌دی و اونینگ مشترک چېگره‌لر آرقه لی قاچاقی اۉزبېکستان کبی قۉشنی مملکتلر اوچون خوفسیزلیک چالشلریدن بیری دیر.
منبع: اۉزبېکستان گمرکی
🌐
