بالیوود نینگ تانیقلی آکتیوری سیف علي خان، ییللب اجتماعی رسانه لردن اوزاق تۉرگندن سۉنگ، نهایت اینستاگرام گه قۉشیلدی و بو حادثه اونینگ طرفدارلری تامانیدن کینگ عکس العمل لرگه سبب بولدی.
اونینگ تأییدلنگن حسابی ده گی بیرینچی پُست، «پتودی کتابخانه سی» دن آلینگن رسملر دیر. سیف علي خان حاضرده فقط خاتینی، آکتریسه کرینا کپور خان نی تعقیب قیلماقده، بو هم فایده لنوچیلر دقتینی جلب قیلگن. کرینا کپور اوزی اینستاگرام نینگ فعال بیر فایده لنوچیسی دیر و کوپینچه عایله وی حیاتلریدن رسملرنی به اشتراک قۉیه‌دی.
سیف علي خان بالیوود نینگ اجتماعی ترماقلرده حاضر بولمه‌گن آز ساندەگی کتته یولدوزلریدن بیری اېدی. بو سبب بیلن اونینگ طرفدارلری بو پلتفارم گه قۉشیلیشینی آرزو بیلن کوتگنلر. او بیرینچی پُستی اوچون عایله وی کتابخانه سیدن بیر رسمنی بو جمله بیلن به اشتراک قویدی: «پتودی کتابخانه سی… کتابلرنی جلدلریدن قضاوت قیلیش…»
اونینگ اینستاگرام گه کیریشی طرفدارلری و فلم صنعتی ده گی همکارلری آره سیده بیر هیجان تولقینینی یوزگه کیلتیردی. بیر فایده لنوچی کامنت ده یازدی: «نهایت، Z نسلی دن آلدین اوزی Z نسل بولگن کیشی کیلدی.»
بو اقدام سیف علي خان گه اۉز مخاطبلری بیلن ینگیتدن و مستقیم بیر ارتباط کانالی گه اېگه بولیب، شخصی و حرفوی حیاتی حقیده یقینراقدن معلومات بیریش امکانیتینی یره ته‌دی. اندی همه «پتودی نوابی» نینگ کیله سی پُستلرینی کوتماقده.
منبع: سرگرمی رسانه لری
🌐
