امریکالیک اویونچی سلما بلیر، لاس آنجلسدن نیویارککه پرواز قیله‌یاتگن دلتا هوا یۉللری شرکتیده یوز بېرگن بیر فیزیکی اوروشدن سۉنگ قولگه آلیندی. یکشنبه کونی شامده یوز بېرگن بو حادثه‌ده اوچاق نینگ ایکّی خدمه‌سی یره لنگن و بلیر خانیم محکمه‌ده اۉزینی بی‌گناه دیب ایتگن.
نیویارک نینگ جان اف کندی هوا میدانی رسميلری، ایچکی پروازده بیر تجاوزکار یۉلاوچی نینگ بارلیگی حقیده‌گی گزارشلرنی آلگنیدن سۉنگ پولیس نینگ ایشگه کیришگنینی اعلان قیلدی. بلیر خانیم اوچاق قۉنگنیدن سۉنگ پولیس تامانیدن قولگه آلینیب و طبی وضعیتینی تیکشیریش اوچون بیر شفاخانه‌گه انتقال قیلیندی.
سلما بلیر نینگ نماینده‌سی دوشنبه کونی بیر بیانیه ده، اوشبو اویونچی نینگ بیر "عاجل طبی وضعیت" گه دوچ کېلگنی و بو وضعیت ادعا قیلینگن رفتارگه سبب بۉلگنینی ایتدی. او، بلیر خانیم نینگ تیز طبی یاردم آلگنینی و وضعیتی نینگ برقرار ایکن لیگینی قۉشیمچه قیلدی. هر حالده، بو طبی وضعیت حقیده کۉپراق معلومات بېریلمه‌دی.
گزارشلر اساسیده، بو اوروشده پرواز نینگ ایکّی خدمه‌سی آسیب کۉرگن و اولردن بیری کۉپراق تیکشیرولر اوچون شفاخانه‌گه یاتقیزیلگن. سی‌ان‌ان تامانیدن قولگه کیریتیلگن مراقبت برجیدن بیر سسلی فایل، دستلب پرواز نینگ ایکّی خدمه‌سینی تداوی قیلیش اوچون طبی یاردم ایسته لگنی نی کۉرسته‌دی.
بو سسلی فایلده بورون قانه شی و تیشلش ایزلری کبی کیچیک یره‌لرگه اشاره قیلینگن، لیکن بو یره‌لرنینگ قیسی بیر کیشیگه عاید ایکن لیگی معلوم ایمس. شونینگدېک، بو فایلده یۉلاوچی اۉز باشینی اوچاق نینگ ایچکی دېوالیگه اورگن بۉلیشی ممکن لیگی هم ذکر اېتیلگن. امریکا فدرال پولیسی (FBI) بو حادثه بۉییچه تیکشیرولرنی باشله‌گن.
«Legally Blonde» و «Hellboy» کبی فلملرده اویونچیلیک قیلگنی بیلن تنیلگن سلما بلیر، هجوم اتهاملری بیلن روپه‌رو دیر. بو حادثه امریکا رسانه‌لریده کېنگ عکس العمللرگه سبب بۉلدی.
منبع: سی‌ان‌ان
🌐
