ایران مجلسی نینگ رئیسی محمد باقر قالیباف، پاکستان اردوسی نینگ قوماندانی جنرال عاصم منیر بیلن اوچره شووده، امریکا نینگ تهران نینگ ایشانچینی قازانیش اوچون ایران نینگ یېتّی شرطینی عملگه آشیریشی کېره ک لیگینی ایتدی.
ایران رسانه‌لری نینگ گزارشیگه کۉره، جناب قالیباف تهرانده بۉلیب اۉتگن بو اوچره شووده تأکیدله‌دی: «بیزده ینگی گپ یۉق و امریکا نیویارکده تقدیم اېتیلگن یېتّی شرطنی اجرا قیلیشدن باشقه ایران نینگ ایشانچینی قازانه آلمه‌یدی.» او، دونالد ترامپ تامانیدن «اسلام‌آباد کیلیشووی» نینگ بوزیلیشی بیلن ایکّی مملکت اۉرته‌سیده‌گی ایشانچسیزلیک دیواری نینگ بلندراق بۉلگنینی قۉشیمچه قیلدی.
جنرال منیر ایران و امریکا اۉرته‌سیده واسطه‌چی صفیده تهرانگه سفر قیلگن، تا ایکّی تاماننی مذاکره میزیگه قیته ریش اوچون ینگی سعی و حرکتلرنی باشله سین. او ایران جمهور رئیسی مسعود پزشکیان بیلن هم اوچره شگن، لیکن اونینگ تفصیلاتی نشر اېتیلمه‌گن.
ایران مجلسی نینگ رئیسی شونینگدېک ایتدی: «بیز اوروش طلب اېمس میز، لیکن وطن و ملی عزتیمیزنی مدافعه قیلیش اوچون تۉلیق تیارلیککه اېگه میز.» او، تهدیدلر ایران نینگ استراتژیک قرارلریگه تأثیر قیله آلمسلیگینی تأکیدله‌دی.
باشقه بیر اوچره شووده، ایران عالی خوفسیزلیک کینگشی نینگ دبیری محسن رضایی، پاکستان اردو قوماندانیگه امریکا ایشانچ قازانمسدن مذاکره بۉلمسلیگینی ایتدی. او، ایران شرط‌لری نینگ تحقق تاپیشی بو ایشانچ قازانیش نینگ باشله نیشی اېکه نینی بیلدیردی و «حتی بیر ذره باییتیلگن هسته‌ای ماده‌لر هم ایراندن تشقریگه چیقمه یدی» دېب تأکیدله‌دی.
ایران و امریکا جون آییده پاکستان نینگ واسطه چیلیگی بیلن «اسلام‌آباد کیلیشووی» نی امضاله‌گن اېدیلر، لیکن بو کیلیشوو دوام اېتمه‌دی. ایران یقینده بیرلشگن ملت‌لر تشکیلاتی عمومی مجمعی حاشیه‌سیده ینگی بیر طرحنی تقدیم اېتدی و امریکا نینگ جوابینی کوتماقده.
منبع: ایران رسانه‌لری
🌐
