محلی منبعلر نینگ ایتیشیچه، طالبان کوچلری اروزگان مرکزی ترینکوت شهرده، اوشبو ولایت نینگ سابق پولیس قوماندانی مطیع‌الله خان نینگ حویلیسینی قورال تاپیش اوچون قازگنلر، اما هیچ نرسه تاپمه‌گنلر. طالبان ایسه سابق حکومت نینگ بیر مقامی نینگ اویی یقینیدن قورال و مهمات تاپگنلرینی اعلان قیلگن.
منبعلر افغانستان اینترنشنل گه ایتگنلر کیم، طالبان پولیس قوماندانلیگیگه باغلیق قوراللی کیши
لر، رسمی وقت توگه گنیدن سۉنگ، بیردن مطیع‌الله خان نینگ اوییگه کیرگنلر. اولرنینگ ایتیشیچه، طالبان کوچلری قانونی مجوز کورسه تمسدن، حویلی نینگ بیر نیچه نقطه‌سینی قازگنلر.
شاهدلرنینگ ایتیشیچه، طالبان اعضالری اوشبو سابق قوماندان نینگ عایله اعضالری بیلن تحقیرآمیز رفتار قیلیب، اولرنی اۉلیم بیلن تهدید قیلگنلر. منبعلرنینگ ایتیشیچه، کوچلر قازیشدن سۉنگ، قورال یا-ده مهمات تاپمسدن، او یېرنی ترک ایتگنلر.
اما اروزگانده طالبان پولیس قوماندانلیگی یکشنبه کونی، ۳ عقربده، بیر خبرنامه ده اعلان قیلدی کی، ترینکوت شهرده گی عملیاتده، تۉرت میل کلاشنیکوف، بیر میل تفنگچه، ۲۵۰ فیر مرمی و ایکی شاژورنی بیر مخفیگاهدن کشف و ضبط قیلگن. طالبان مطیع‌الله خان نینگ آدینی ذکر قیلمه‌گن و مخفیگاهنینگ انیق جایینی هم مشخص قیلمه‌گن.
بو بیرینچی مرته ایمس کی مطیع‌الله خان نینگ عایله سی طالبان نینگ باسیمیدن شکایت قیله دی. اونینگ یقینلری نینگ ایتیشیچه، طالبان اوتگن ییل قوس آییده بو سابق قوماندان نینگ اوچ اۉغلینی قولگه آلیب، بیر آیگه یقین زندانده سقلگنلر. اولر، اۉغیللری نینگ آزادلیگی اوچون شخصی پوللری بیلن بازاردن قورال و مهمات ساتیب آلیب طالبان گه تاپشیرگنلرینی ادعا قیلگنلر.
مطیع‌الله خان جمهوریت حکومتی دوریده افغانستان نینگ جنوبیده نفوذلی خوفسیزلیک قوماندانلریدن بیری ایدی. او ۱۳۹۳-ییل حوت آییده کابلده بیر انتحاری هجومده اۉلدیریلگن ایدی.
منبع: افغانستان اینترنشنل
🌐
