طالبان نینگ ایچکی ایش لر وزیرلیگی نینگ مخدره ماده لرگه قرشی کورش معینی، ۲۰۲۶- میلادی ییلده، افغانستانده مخدره ماده لر اېکیلگن ۲۶ مینگ و ۸۰۰ هکتار یېر ستلایت تصویر لریدن فایده لنیب انیقلنگن و اونینگ اېکینزار لری یۉق قیلینگنینی ایته دی.
بو وزیرلیک نینگ معینی عبدالرحمن منیر، طالبان حکومتی نینگ سعی و حرکت لری و امنیت نینگ تأمین اېتیلیشی مخدره ماده لرنینگ اېکیش و ایشلب چیقاریلیشی نینگ کمه ییشیده مهم عامل لر بولگنینی ایتدی. شونینگدیک، طالبان نینگ ایچکی ایش لر وزیرلیگی سوزلاوچیسی، مخدره ماده لرنینگ اساس قسمی پاکستان دن افغانستانگه قاچاق بولیب کېلیشینی ادعا قیلدی.
جناب منیر مخدره ماده لرگه قرشی کورش نینگ دوام اېتیشی ضرورتی، گمرک لر و چېگره لر امنیتی نینگ تأمین اېتیلیشی، و خلق ارا جامعه نینگ همکارلیگیگه تاکیدله دی. او، بو کورش منطقه ای و خلق ارا همکارلیک سیز تولیق شکلده مؤثر بوله آلمسلیگینی ایتدی.
او شونینگدیک خشخاش اېکیش گه قیتیب کیلیش نینگ آلدینی آلیش اوچون بدیل اېکین لرنی کینگه‌یتیریش و دهقان لردن حمایت قیلیشنی ضروری دیب بیله دی. اونینگ ایتیشیچه، کشاورز لر اوچون معیشت فرصت لرینی فراهم قیلیش بو کورشده موفقیت اوچون بیر اساسی عامل دیر.
بو بیر حالده دیرکه، بیرلشگن ملت لر تشکیلاتی نینگ مخدره ماده لر و جنایت لرگه قرشی کورش اداره سی (UNODC) بو ییل نینگ سرطان آییده، طالبان تامانیدن اېکیش نینگ منع قیلینیشیدن سۉنگ، افغانستانده تریاک تولیدی ۹۵ فایز کمه یگنینی گزارش بېرگن اېدی. بو گزارشگه کۉره، اېکیش سویه سی ۲۰۲۲-ییلده ۲۳۲ مینگ هکتاردن ۲۰۲۵-ییلده ۱۰ مینگ و ۲۰۰ هکتارگه کمه یگن.
شو بیلن بیرگه، بیرلشگن ملت لر تشکیلاتی افغانستانده موجود بولگن تریاک ذخیره لری ۲۰۲۶-ییل نینگ آخریگچه دوام اېتیشی ممکن لیگیدن آگاه لنتیرگن که بو ایش هلی هم منطقه و جهان اوچون بیر جدی چالش حسابلنه دی.
منبع: متني فایل
🌐
